Plantun de Prouvènço

Pèr coumpara dos planto d'encò nostre

Brassica elongata subsp. integrifolia & Vicia lutea

Brassica elongata subsp. integrifolia

Brassicaceae Cruciferae

Noms en français : Chou à feuilles entières, Chou élancé.

Descripcioun :
Lou caulet-afiela que trachis au nostre es uno planto di proun raro, marcado sus listo roujo, CR (valènt-à-dire en dangié criti). Se pòu trouba sus marlo e gip dins lou relarg d'Ate. La subsp. presento, que la tassounoumìo es enca discutido, a li fueio entiero e uno longo cambo.

Usanço :
Couneissèn pas d'usanço particuliero, pamens estènt un caulet, dèu èstre manjadis. Coume es apara lou miés èi de lou regarda.

Port : Grando erbo
Taio : 0,5 à 1 m
Fueio : alterno
Tipe bioulougico : Emicriptoufite
Cicle bioulougico : Renadivo mounoucarpico

Gènre : Brassica
Famiho : Brassicaceae
Famiho classico : Cruciferae

Ordre : Brassicales

Coulour de la flour : Jauno
Petalo : 4
Ø (o loungour) flour : 0,8 à 1 cm
Flourido : Printems

Sòu : Ca
Autour basso e auto : 220 m
Aparado : Noun
Abriéu à Jun

Liò : Marlo - Gip
Estànci : Mesoumediterran
Couroulougi : Éurasiatico
Ref. sc. : Brassica elongata subsp. integrifolia (Boiss.) Breistr., 1942 (= Brassica elongata Ehrh., 1792 )

Corso

Vicia lutea

Fabaceae Leguminosae

Àutri noum : Maucho, Corno-biòu, Cornabiòu.

Nom en français : Vesce jaune.

Descripcioun :
Lou corso es uno vesso pulèu coumuno que trachis à la primo dins li prado, lis ermas e li baragno. Li flour soun groupado de uno à tres e sènso pecou. Lis estipulo porton de glando bourdado de negre e pounchudo, que se vèson bèn (fotò). Se destrìo de Vicia hybrida, mai coumuno, que soun estendart èi pas pelous (fotò), au contro di dòusso (2 à 4 cm), subretout eici pèr la varieta hirta. Coumpara emé lou corno-biòu que ié sèmblo e qu'èi mai jauno.

Usanço :
Ramenten qu'èi pas counseia de manja de grano de vesso, que soun empouisounanto e dounon uno malautié néuroulougico, lou latirisme (presènci d'ODAP).